Its My Life

युरोको कुरो

काठमाडौँलाई युरो ज्वरोले छपक्कै ढाकिसके पनि म भने पढाइमा व्यस्त भएकोले (कति न फर्स्ट डिभिजन ल्याउने जस्तो, पढाइ एकातिर प्रश्न अर्कोतिर छ) त्यसबाट अछुतै थिएँ। यसपालि पहिलो पटक होला मैले युरो कपको एउटै खेल नहेरेको। आज अघि रातिदेखि नै घरबाहिर होहल्ला थियो। सुरुमा त सोचेँ, कुनै पार्टी सार्टी होला। पछि युरो कपको कुनै खेल हेर्न बसेका जस्तो लाग्यो।

गुगल च्याटमा भेटिएका अमेरिका भासिएका साथी ईश्वरलाई घरबाहिरको हल्लाको प्रसंग निकाल्दै थिएँ। उसले सोध्यो, फाइनल त हेर्छौ होला नि। मैले सेमिफाइनलमा को को पुगे भनेर सोधेँ। बिहान कान्तिपुरमा सेमिफाइनल कै समाचार पढेको जस्तो लागेको थियो। उसले भन्यो, हैन आज त फाइनल हो। जर्मनी र स्पेनको हुँदैछ।

अहो, मैले कति बेवास्ता गरेको रहेछु। पहिले विश्वकप हुँदा माइसंसारमा नै विपिन लगायतका ब्लगबाट परिचित साथीसँग कमेन्टमा गफ गर्दै गेम हेरिएको थियो।

कस्तो रहेछ यो हल्ला भनी हेर्न गएँ घर नजिकै। गल्लीको अलि खुला ठाउँमा ठूलो पर्दा राखेर प्रोजेक्टरबाट खेल हेरिरहेका रहेछन्। भूँइमा बसेर खेल हेरिरहेका रहेछन्। होहल्ला चर्कै थियो। ठूलो स्क्रिनमा खेल हेर्न त मज्जै हुने रहेछ। दुवै पक्षका समर्थकहरु त्यहाँ थिए। ६-७ वर्षको फुच्चे समेत इ वान इस् पेन भन्दै उफ्रँदै थियो। कति क्रेजी हगि नेपालीहरु फुटबलप्रति ! सिमसिम पानी परिरहेको थियो। तर त्यसले त झन् लुगा फुकालेर उफ्रँदै गरेका युवाहरुलाई झन् शितल पो बनाइराखेको थियो।

त्यो फुच्चेमात्र हैन, वरपरका अरुलाई पनि निद्रा लाग्ने चान्स छैन त्यहाँ। त्यत्रो हल्लाका बीच त कुम्भकर्णलाई पनि निदाउन गार्‍हो पर्थ्यो होला। मध्यरातमा सुरु हुने खेल भए पनि त्यसले खेल हेर्न रोकेको थिएन। प्रविधिको कारण टोलका साथीहरुले पैसा उठाएर समूहमा यसरी ठूलो पर्दामा खेल हेर्न पनि सजिलो भएको छ अहिले।  

भाँच दे खुट्टा बालाकको - एक जना समर्थक करायो। खेलको जोश! अस्ति खेल हुँदै गर्दा बत्ती निभेकोले कीर्तिपुरको विद्युत प्राधिकरणको कार्यालयमा आक्रमणै गर्न गए रे केटाहरु। तर जर्मन समर्थकहरु पनि त्यहाँ कम थिएनन्। तर स्पेनले पहिलो गोल गरेपछि उनीहरु हिस्स भए। स्पेन समर्थकहरुको नारा चर्किन थाल्यो अनि। एक गोल हेर्ने बित्तिकै म त्यहाँबाट हिँडे र घर आएँ।

एमएसएन च्याट बक्समा सृजाले स्पेनले गोल गरेको खबर सुनाउँदै रहिछिन्।

says:

spain le ek goal lagayo

s says:

yo euro cup re

Umesh says:

bharkhar big screen ma herera aako ek goal

Umesh says:

yehaan ta purai halla machheko chha

s says:

ma ahile spain bata,yo spanish haru halla garera dhundhan

Umesh says:

Nepal ma ta halla chha spain ma kina nahunu ta ni

s says:

kasto football crazy hai?aja spain le jityo bhane 2,3 din ta sutna dinnan hola

अहिले बिहानको एक बजेर ३५ मिनेट गइसकेको छ। तर पनि बाहिर होहल्ला उत्तिकै छ।  मलाई भने झपक्क निद्रा लाग्ला जस्तो भयो। यसपालिको युरो कप यस्तै रह्यो। अर्को पटक हेरौँला राम्रोसँग।  

June 29

बल्ल अलि फूर्सद हुने भो

आज चौथो परीक्षा सकिएपछि अब बल्ल अलि फूर्सद हुने भयो। अर्को परीक्षा साउन ८ मा मात्रै छ।

यो साता निकै उतारचढाव आयो जीवनमा। त्यही कारण राम्रोसित पढ्न पनि पाइएन। पढाएको र पढेको भन्दा बेग्लै प्रश्नहरु आएका थिए परीक्षामा तर त्यति मिलाएर लेख्‍न सकिएन जस्तो लाग्यो।

आज अलि मूड पनि ठीक छैन। मन अशान्त भइरहेकोछ।

तेस्रो Exam को तयारी

दोस्रो exam आइतबार सकियो। सोचेभन्दा ठीकै भयो।

दोस्रो exam अघि बिरामी जस्तो भएर ज्वरो पनि आएको थियो।

तेस्रो exam चाहिँ research methodology को छ। यसमा झन् तयारी गर्नुपर्ने देखिएको छ।

बल्ल घट्यो इन्टरनेटमा बिताइने समय

हिजोदेखि एडिएसएल चलेन। वैशाख ३१ देखि चलाएको रहेछु। हिजोबाट एक महिना पुगेको रहेछ। अब अर्को शुल्क भुक्तान नगरुञ्जेल नचल्ने रहेछ। एनटीसीले सेवा सकिन लाग्यो है भनेर खबर पनि नगर्ने रहेछ।

दिनमा इन्टरनेट नचल्ने भएपछि यसले इन्टरनेटमा भुलिने समय भने घटेको छ। परीक्षाअगाडि फाइदैको कुरा हो यो।

पढाइ अझै व्यवस्थित हुन सकेको जस्तो लागेको छैन। कोर्स अफ स्टडी र विगतमा सोधिएका प्रश्नहरु भिडाउँदा निकै फरक पाउँछु। विषय Histotical Development of Mass Communication हो तर प्रश्नहरु अनेक क्षेत्रलाई समेटिने सोधिएका छन्। निश्चित पाठ्यक्रम पनि हुँदैन। पाठ्यपुस्तक पनि पाइँदैन। स्नातकोत्तरको पढाइ नै यस्तै होला नि शायद।  अस्ति प्रिन्सिपलको परीक्षामा पनि विदेशमा पढिरहेका साथीहरुसित हारगुहार गरी गरी जर्नलहरु डाउनलोड गरेर डिजिटल फोटोग्राफीको बारेमा पढेर गएको थिएँ, प्रश्न आइदियो डार्करुमसम्बन्धी। डिजिटल फोटोग्राफीको जमानामा नेगेटिभ कसरी डार्करुममा धुलाइन्छ भन्ने प्रश्नको जवाफ मैले दिनै सकिनँ।

त्यसमाथि लेखेर दिनु पर्ने परीक्षा निकै गार्‍हो छ। त्यसै पनि हातले लेख्‍ने बानी छैन, त्यसमा पनि चार घण्टा लेखेको लेख्‍यै गर्नुपर्ने परीक्षा प्रणाली छ हाम्रो।

पढाइमा नै सबै ध्यान केन्द्रित गरिरहेको छु। माइसंसारमा केही लेख्‍न नपाउँदा दुःख लाग्दो रहेछ। कमेन्ट पनि एप्रुभ गर्न अरुलाई जिम्मा लगाइदिएको छु। नारायणहिटीमा पत्रकार सम्मेलनसम्बन्धी पत्रकारहरुको उपद्रोको विषयको ब्लगमा ब्लगर साथी केपीले कमेन्टको एक नम्बरमा नै किन नयाँ पत्रिकाको पत्रकार होला त्यो भनेर राखेको भनेर फोन गर्‍यो अघि। नियतवश गरेको ठानेछ उसले। नयाँ पत्रिकासँग मेरो केको दुश्मनी हुनु र। ब्लगर भएर पनि त्यस्तो सोचेकोमा दुःख लाग्यो। उसले इमेल पनि पठाएको रहेछ।

यस्तो थियो इमेल

Namasta umesh ji,

k cha yar. sorry hai blog ma mistake la timro nam parako ma. MY sansar ma padhako vram paracha malai. (हिजो उसले ब्लगर उमेश श्रेष्ठका अनुसार पत्रकारहरुले ज्ञानेन्द्रलाई गाली गरेको भनेर उसको ब्लगमा लेखेको रहेछ। जबकि मैले त्यसो भनेकै थिइनँ र ब्लगमा पनि त्यसरी लेखेकै थिइनँ। त्यस्तो भएको पनि थिएन। पत्रकारहरुको भीड भएकोले पछाडि बस्नेहरुले अगाडि बस्नेहरुलाई नछेक्न गाली गरेका थिए। ज्ञानेन्द्रलाई गाली गरेको मैले देखेको थिइनँ) Ani tyo MURTI chor Blog matter ko comment ma 1 number ma Narayanhetti ma babal garna patrakar  Nayapatrika ka hunuparcha bhanna comment dekhda dukha lago. Timro ra nayapatrika bich ko sambandha taha vayana. tara kamsakam comment halda NAYAPATRIKA ma kam garna sabai patrakar lai muchchau.timro blog ho manlagako rakhna pauchau, tara tasko prabhav kasto huncha tyo pani bichar garna ki ?
—
KP Dhungana
www.hamroblog.com
Kathmandu, Nepal
9841368677

उसको इमेल हालिदिएँ त्यो कमेन्टमा।

अरु त उस्तै हो। अब फेरि पढ्नुछ।

ए अँ बरु एउटा कोरियाली ब्लगरलाई नेपालमा शाहवंशको पतन भएकोमा दुःख लागेछ। यहाँ हेरेर थाहा पाएको मैले त।

मेरा (अ)शुभचिन्तकहरुप्रति समर्पित गर्दै एउटा गीत

पढाइमा व्यस्त भइरहेको बेला एक जना शुभचिन्तकले मेरा केही अशुभचिन्तकहरुले मलाई खेदो गरिरहेका छन् रे भनेर सुनाए। मैले जवाफ दिएँ, गरोस्, गरोस्। म पढाइमा व्यस्त छु। बरु यो एउटा गीत चाहिँ उनीहरुप्रति समर्पित। बरु पढाइमा व्यस्त हुनुपरेकोले नारायणहिटी दरबारभित्रका थप फोटो र भिडियो आइतबारपछि मात्रै अपडेट गर्न पाइने भयो। दुःख लागेको छ यसमा 

Kati jalchau aarishai le x2 
Ajhai jaldai gara
Ma ta hidchu merai bato x2 
Khutta tandai gara aaaa khutta tandai gara aaaa khutta tandai gara.

pa dha saa dha saa dha re~~ saa dha saa dha pa ga
ga re sa re saa dha sa dha pa ga re sa

Kande taar ko baar laage ni mero yatra rokinna x2 
Hatkela le surya lai kahile pani chekinna x2 
Kati garchau upahaas x2 
Ajhai gardai gara
Ma ta hidchu merai baato x2 
Khutta tandai gara aaaa khutta tandai gara aaa khutta tandai gara

Til jatro kura lai pahaad jatrai banaau x2 
Jhuth ko Kheti Sapryo bhane dipawali manaau
Katti katchau kura haru x2 
Ajhai kaatdai gara
Ma ta ….

पढ्नु पर्‍यो, पढ्नु पर्‍यो, पढ्नु पर्‍यो

हो, पढ्नु पर्‍यो।

किनभने १५ जुनमा अर्को परीक्षा छ-

Historical Development of Mass Communication

पढ्न बस्यो कि निद्रा लागेको जस्तो हुन्छ। त्यही माथि यो इन्टरनेट छोयो कि यसैमा भुलिन्छ। धत् अब त भएन। अब जान्छु पढ्न।

आखिर परीक्षाका लागि मात्र हैन, पढ्नु त आफ्नै ज्ञानका लागि पनि राम्रो हो नि।

तर परीक्षा ? अहो, कति यातनादायी !

चार चार घण्टा लेख्यालेख्यै गर्नुपर्ने। हात दुखेर हैरान अस्तिको परीक्षामा। टाइप गरेर दिन नपाइने के गर्नु ! वर्षभरी पढेको कुरा चार घण्टा केही नहेरी लेखेर दिनुपर्ने रे। नियम कडा छ !